• الثلاثاء 15 تشرين الأول 11:35
  • بيروت 33°
الجديد مباشر
الخميس 04 تموز 09:33
نانسي عجرم نانسي عجرم
غردت النجمة اللبنانية نانسي عجرم امس عبر حسابها على موقع "تويتر" مشيرة الى الاهمال الموجود بحق المواطنين في مطار بيروت، وذلك بعد المعاناة التي تعرضت لها وطفلتها الرضيعة بسبب الازدحام الشديد وعدم مراعاة المسؤولين اللبنانيين للمرأة الحامل أو الأطفال الرضع، بحسب قولها.
وفي هذا الاطار قالت نانسي عبر حسابها على "تويتر": " أنا اليوم مش فنانة أنا مواطنة لبنانية بنتي عمرها ٥ شهور ع كتفي عم تبكي لمدة ساعة من الوقت ع طلوع الفجر بمطار بلدي ومتلي نساء كتار كانوا حواليي، هل هالشي مسموح؟ هل مقبول يكون في هلقد اهمال بحقنا كمواطنين بمطار بلدنا؟ مسموح نكون بعدنا هلقد بعاد عن أبسط حقوق الإنسان؟".

وتابعت الفنانة اللبنانية: "بكل بلدان العالم بكون للمرأة الحامل والطفل الرضيع استثناءات.. إلا عنا.. يمكن لأن مفكرينا Option؟؟؟
يا حبايب قلبي هيدي من أبسط حقوق المرأة هيدا واجبكن تجاه كل امرأة.. مش كافينا رحية الزبالة بالمطار؟ والإهمال؟".


وواصلت نانسي تغريداتها بالقول: "ما عندكن ولاد أو ما بتحسوا بولاد الناس؟ راضيين بكل أزماتنا بكل الأوضاع اللي فارضينا علينا بس لما توصل لولادنا وأطفالنا لهون وبس، عيب عليكن".

واختتمت النجمة اللبنانية تغريداتها بنشر صورة من حالة الزحام في المطار، ارفقتها بعبارة: "هيدا لبنان اللي منتغنى في بكتب التاريخ؟ هيدا لبنان اللي بدكن تشجعوا السواح يزوروا؟ ولادنا الصغار صاروا شايفين وفاهمين بالعيوب اللي فارضينا حضراتكن علينا وانتوا ما كنتوا تحسوا! ساكتين ساكتين وبعدين؟ لوين آخدينا؟ "عيب_عليكن".
 
الكلمات الدليلية