أحدثت الممثلة المصرية بدرية طلبة ضجة
واسعة بين المتابعين وتصدر إسمها محرك البحث غوغل وذلك بعد إدعائها وفاة شقيقها الذي مازال على قيد الحياة.
وفي التفاصيل، فقد نشرت بدرية عبر صفحتها الخاصة على
فيسبوك صورة من عقد قران إبنة شقيقها الذي إدعت وفاته، مؤكدةً في تعليقها على الصورة أنه متوفي.
وكتبت:" كبرتي يا قلب عمتو بنت أخويا رحمة الله عليه وكتب كتابها النهاردة ربنا يخليلك أعمامك وخلانك الرجالة المحترمين سندك وضهرك ويرحم أبوكى برحمته الواسعه أدعو لمريم ربنا يتمم لها فرحتها وأشوفها أسعد البنات في بيتها الزفاف ٩/٤عقبال عندكم".
وبعدها فوجيء الجميع بأن "المرحوم" وليد طلبة ليس ميتا كما ادعت بدرية، وأن هناك خلافات عائلية دفعته لعدم حضور عقد قران ابنته الوحيدة، ولهذا وصفته بدرية بالميت، ورد وليد عبر حسابه بموقع الفيس بوك قائلا: يا جماعة الفنانة بدرية اللى كانت المفروض أختى منزلة نعى عنى أنى اتوفيت والمفروض اللى في النص دى كانت بنتى.. وعشان رفضت أروح كتب كتابها النهاردة طلعوا عليا إشاعة الموت بجد حسبى الله ونعم الوكيل فيكم أنتو كلكم ميتين بالنسبالى من سنتين لما سبتو البيت ونزلتو الساعة 2 بالليل".
وتابع: جايين دلوقتى تحتاجولى في كتب الكتاب.. أنا يا جماعة ماليش عيال وعيال مين اللى يعلقو على إشاعة على أبوهم أنه مات والله يرحمه وأنا على وش
الدنيا عيال مين اللى أروحلهم تانى أنا خلاص ماليش ولا عيال ولا أهل وأخوات.. وانتى يا فنانة بدرية ميته بالنسبالى من زمان.. وإن شاء الله اللى قولتيه عليا بالكدب هيتقال على جوزك يوم فرح بنتك بالصدق انشاء الله.
وقال: انتظروا منى أحلى مفاجآت ليكم ياللى المفروض كلكم أخواتى ومن بطن واحدة انتظروا منى أحلى مفاجآت للكل وأنتو اللى بدأتو الحرب معايا بالله عليكم يا جماعة أنا عاوز البوست ده يتشير كتير عشان أثبت كذب الفنانة وأنا هطلع لايف كمان شويه بصوتى عشان تتأكدو أنى مش بكدب وهطلع معايا مفاجآت هتعجبكم اوى".
وبعد خروج شقيقها هذا، حاولت بدرية طلبة تدارك الموقف، وقامت بحذف كلمة المرحوم من المنشور كما حذفت طلب الدعاء لروح شقيقها بالرحمة.