ليليان نمري وورد الخال وعبدو شاهين وغيرهم يودعون بيار جامجيان

خيّم الحزن على الوسط الفني اللبناني بوفاة الممثل اللبناني القدير بيار جامجيان، إذ عمد عدد من النجوم إلى نعيه عبر صفحاتهم الخاصة على مواقع التواصل الإجتماعي، معربين عن صدمتهم.

ونذكر منهم الممثلة ليليان نمري التي نشرت عبر صفحتها الخاصة على انستغرام صورة تجمعها بالراحل، وعلّقت عليها بالقول:"التقينا بعد سنين وتركتنا بغمضة عين هالمرة ما رح قول شي إلا الصدمة اكبر من توقعاتي يا ريت للَحقت صورت معك هالمشهد الباقي ويا ريت قبلت عزيمتك عالغدا لو عارفتك فالل .. بخاطرك يا رفيق النجاح من ايام شبابنا .. بخاطرك بيبيرو والى اللقاء بالملكوت ورح نرقص رقصتنا الشهيرة وتعَيط عليي من غيرتك .. الله يرحمك حرقتلي قلبي".

الممثلة ورد الخال نشرت صورة للراحل وكتبت:"كل ما يروح فنان من هاادني منخسر خيط من خيوط الشمس رح نشتقلك بيار ، يا مثال للمثّل الخلوق الصبور ، والمُحب من الآخر ، الفنان قبل كل شي هو بالسمعة الطيبة".
الممثل عبدو شاهين نشر صورة له مع الراحل وقال:"بيار جامجيان يا ضحكة سما لروحك السلام".
الممثل سعيد سرحان نشر صورة للراحل وقال:"بيارو.. كنت صغير وقت شفتك بالمعلمة والاستاذ وقلدتك، وشفتك على المسرح كان عمري ٨ سنين بمسرحية "بيارو حظه زيرو" وقلتلك وقتها شي يوم رح مثل معك، لحد ما جمعتنا الهيبة يا ابو عيسى. تحية الى روحك.. تحية".