حمو بيكا يتحدث عن مرضه ويبكي موجها رسالة لـ هاني شاكر:أنا عايش ميت وأنت عندك قصور

تحدث مطرب المهرجانات المصري حمو بيكا عن مرضه الخطير الذي يعاني منه، وقال خلال حلوله ضيفا على برنامج "حبر سري" الذي تقدمه الاعلامية المصرية أسماء إبراهيم:"المرض بتاعي مناعي، بمعنى أن الجهاز المناعي المفروض بيهاجم أي بكتيريا ضارة، والجهاز المناعي جاله خلل، وبالتالي بيهاجم أي حاجة في أجهزة جسمي، وطول ما هو بيهاجمها أنا بتعب، ممكن برجَّع دم".
واضاف:"بيحصل لي مشاكل في معدتي كبيرة، وبأخذ إبره اللي هي بتعمل تهدئة لجهازي المناعي، وخدت الإبرة دي أول مرة بـ120 الف، وكل شهرين المفروض بأخذ إبره تمنها 20 ألف".
وخلال الحلقة، بكى حمو بيكا خلال الحديث عن منعه من الغناء في مصر من قبل نقابة الموسيقيين المصريين برئاسة الفنان المصري هاني شاكر.
وعند سؤاله عن ردة فعله ان تم منعه من الغناء خارج مصر، قال:"هموت نفسي لو اتمنعت عن الغناء بره مصر أنا موجوع وتعبان، هي الناس شايفة أننا حشرات، أنا بحس أن البعض بيعاملني كأنى حشرة".
وتوجه بكلامه لشاكر قائلاً:"أنا يا أستاذ هاني بشر، بني آدم، لكن حضرتك بتتنمر عليا، كفاية تجرحوا فينا.. أنت مش عجبك فني في ناس تانية عجبها فني، أنا في السعودية حضر لي 30 ألف متفرج، هل دول مش بيسمعوا.. أنا موجوع تعبان، كفاية بقا تنمر".
وتابع:"عملت عمرتين ودعيت عليهم.. أنا عايش ميت، وأنت عندك قصور وفيلا.. أنت عيشت وكلت وشربت إحنا بنحاول نعيش شوية.. حرام علينا أننا نعيش أنت بتقول لو بإيدي كنت منعت، هو أنت ربنا! ربنا مش بيقول كده، أنت هتتحاسب عليا.. الدنيا دي مش دايمة للبشر، وأنا مش مسامح لحد يوم الدين.. ولا في حياتي عمري ما هسامحه".