في بازيليك سيدة حريصا: ملابس بأسعار باهظة... والزبائن رجال دين!

نشرت مراسلة "الجديد" جويل الحاج موسى عبر صفحتها على فيسبوك تعليقاً كشفت فيه عن عملية بيع ملابس وأكسسوارات بأسعار باهظة لرجال الدين في بازيليك سيدة لبنان حريصا.
وكتبت الحاج موسى:
"بحرم بازيليك سيدة لبنان حريصا:
قميص ب ١١٢ الف ليرة لبنانية 
ساعة rovina وحدة ب ٣٠٠ الف ليرة لبنانية والتانية مدهبة وفيها اسم مار شربل بالدهب.
وعلى ستاند تاني في شابو حقها شي ٣٥٠ الف ليرة لبنانية!!!
لأول وهلة بتقول ولو؟ وصلت فيهن لهون؟؟؟ يبيعو تياب بالكنيسة؟
بس الجلطة الاكبر لما تعرف انو كل هول للخوارنة.
قال الكهنة بتشتري منن او اذا حدا بدو يهديهن...
يعني الخوري بيشتري قميص ب ١١٢ الف، اكيد ما هيك الصلاة بتوصل اثقل واكلس لدينة الله 
والمطران رح يلبس برنيطة هدية ب ٣٥٠ الف بالوقت اللي الشباب اذا ما مات من الجوع عم يتشحر بالغربة لانو ما معو يشتري بيت لا بمشاريع الموارنة ولا بغير محل".
او رح يحط ساعة عليها اسم مار شربل بالوقت اللي هالقديس بالذات ترك كل شي وكان ياكل خبز بايت حاف!!
وينو يجي يهد الهيكل ع روسُن؟!".