عباس النوري ينتقد ادعية الزلازل: كأن رب العالمين ناطر واحد يقول دعاء لحتى ما يصير زلزال

اعرب الممثل السوري عباس النوري عن استيائه من انتشار ادعية الزلازل والمحن، وتحديداً بعد الزلزال المدمر الذي ضرب تركيا وسوريا مؤخراً.
وقال النوري في تصريحات لمنصة قناة "بوسطة": "أنا كثير بستفزني إن في شي دعاء الزلازل ودعاء المحن في دعاء ما بعرف ايش".
وأضاف: "وكأن رب العالمين ناطر واحد يقول دعاء لحتى ما يصير زلزال، لازم يحفظوا صفحتين حتى ما يصير زلزال، هذا كلام خرافات".
وتابع: "هذا نوع من التجهيل للناس، وهو كلام معيب حتى لعقل المؤمن نفسه، ما وصلنا لهون في سياسة تجهيل عمبتصير وهذا غلط ما بوقف عندوا، وكل هذا الكلام في شحن للاستغباء والتجهيل في شي اسموا انجاز على الأرض اعقل وتوكل وهذا الجوهر للحقيقي للإيمان، بدون إيمان اعقل انسانيا، حط عقلك بالنص وساوي شيء على الأرض".
وأوضح: "كل الاثر اللي بصير على السوشال ميديا متناقض ومتحول ومرات بتفوت عليه نفوس ضعيفة تقول كلامات بمساحات لا وقت الآن لها، ممكن فيما بعد تيجي وتحاسب وتعمل وتشك واللي بدك إياه لكن الآن الوقت للعمل فقط ولا يوجد شيء آخر، أي شيء آخر حيكون مشاغب ومؤذي".