أطلق برنامج "الأسبوع في ساعة" في حلقة خاصّة بنهائيات كأس
العالم لكرة القدم أمس، تحت مسمّى "مونديال سياسي"، هاشتاغ #لو_لبنان_بالمونديال الذي تصدّر قائمة الأكثر انتشارًا على موقع "
تويتر".
وتحت فرضيّة مشاركة
لبنان في المونديال، توالت التعليقات على موقع التواصل، واصفة الواقع اللبناني بشكل نقدي وساخر.
الإعلامية سمر أبو خليل كتبت: "كنا لا غالب ولا مغلوب...وكنا وسّعنا الفريق ل ٣٠ لاعب حتى الكل يتمثل. #لو_لبنان_بالمونديال". في حين قال الصحافي باسل العريضي: "#لو_لبنان_بالمونديال كنا عملنا مؤتمرات دولية نشحد البطولة".
كذلك قالت نانسي السبع: "#لو_لبنان_بالمونديال كان كل الشعب اللبناني صاروا محللين كرويين واللعيبة تخانقوا مين بيقعد عشباك الطيارة وبس تغط كلن بيزقفوا وكانوا السياسيين اختلفوا عالمنتخب لانو لا يمثّل المناصفة ... واذا ربحنا كان وقع المشكل #لمين_بيهدوا_الانتصار". وعلّقت راشيل كرم بالقول: " #لو_لبنان_بالمونديال كنت غطيت
الحدث من ارض الملعب وشفت كل اللاعبين يلي بحبن واعملت معن مقابلات وتحديدا البرازيلين وكنت زبلت اللاعبين الالمان".
وغرّدت الإعلامية أماني جحا قائلة: "#لو_لبنان_بالمونديال كان المدرب حاطط ارغيلة، و عباس عطوي عم يكسر و يشوط 🤚🏻 و بس يخسرو بيتهمو الحكم انو يلي دافعلو او ايراني او
سعودي". وكتبت في تغريدة أخرى: "كان خلص المونديال و بعد ما انفقو مين الكابيتان تبع الفريق".
فيما قال الإعلامي خليل
الحاج علي: "كانت التشكيلة: ٣ سنة، ٣ شيعة، ٢
ماروني، ١كاثوليك، ١ درزي، ١ أقليات #لو_لبنان_بالمونديال".
وكتبت عضو المكتب السياسي في تيار "المردة" فيرا يمّين على حسابها: "#لو_لبنان_بالمونديال ما كانوا اتفقوا على تشكيلة المنتخب".
من جهته، كتب الكوميدي نعيم حلاوي: "#لو_لبنان_بالمونديال كان ماتش ال3:00 بيبلّش تلاتة، تلاتة ونص". وقال الكاتب والمخرج ناصر فقيه: "#لو_لبنان_بالمونديال كان اللاعب بيعمل foul وبيدق لصاحبه الضابط حتّى يحكي مع الحكم لما يعطيه بطاقة صفرا."
وكتب
علي مراد: "#لو_لبنان_بالمونديال كان اكيد الرصاص عم بزلغط شو ما كانت النتيجة". وقال جوي لحود: "#لو_لبنان_بالمونديال كنا مجبورين نشكل فريق من ١٩ لاعب كرمال تتمثل كل الطوائف".
وكتب حساب باسم ألفونس: "#لو_لبنان_بالمونديال
كان الهجوم من ألحزب ...
الدفاع قوات ...
حارس ألمرمى كتائب ...
كابتن الفريق مستقبل ...
حكم المباراة أشتراكي ...
ألجمهور من النازحين السوريين ...
حكم الشارة ارمني ...
مدرب الفريق امل ... ! ! !".
وقال مستخدم آخر: "#لو_لبنان_بالمونديال كانو باعو كل المباريات بحجة انو لبنان بلد سياحي وما بدن يزعلو حدا....".