خرجت الممثلة السورية شكران مرتجى عن صمتها وعبرت عن غضبها الشديد بسبب تأخر عرض مسلسلها "ميادا وأولادا" بعد مرور عامين على انتاجه.
وفجرت شكران غضبها لأن العمل لن يعرض على المحطات، وجاء بتعليقها: "ع اليوتيوب الحمدلله شكراً لـ "شوف دراما" العمل من 2018 أخدته قناة bein".
وتابعت شكران: "مشكلة المسلسل انه مالي سيكسي ولا بتغمّى ولا ولا (طبعا ماعم عمم) ومابحب نق ولا عم نشحد مالنا عم نشحد إياكم تكتبوا هيك، نحنا عم نصرخ".
وأضافت أنهم كفنانين يظنون أن أرشيفهم كافٍ لبيع أعمالهم، خاصة وأن بعض المحطات يودون شراء الأعمال مجاناً، أو يعتبرونها مقدمة كهدية. وعلقت بالقول :" لأنه بيكون منتج ماله أخطبوط أول مرة بحكي وآخر مرة بس هي حقيقة حقيقة قرفت".
وتابعت : "عملنا ماله الإلياذه خفيف نضيف بيسلي ومالنا مكسرين الارض أول عمل لمنتج لبناني وأول إخراج لشاب موهوب وساهمنا بصناعته جميعا بحب، جمهورنا الغالي لابقى تسألوا وين نحنا نحنا موجودين بس المحطات بدها نوعيه معينه وإشكال معينه(لا للتعميم) وبيقولوا انتو هيك بدكم نحنا موجودين وكبار بمحبتكم ورح يجي يوم يصح الصحيح وعد".