وثقت الممثلة اللبنانية
كارين رزق الله الأضرار التي لحقت بمنزلها في
بيروت نتيجة إنفجار المرفأ في الـ4 من شهر آب/أغسطس الماضي.
ونشرت كارين عبر صفحتها الخاصة على انستغرام مجموعة من الصور والفيديوهات التي تظهر حجم الدمار الكبير الذي لحق بالمنزل.
وأرفقتها كارين بتعليق كتبت فيه:"٤ آب ! مفروض من اجمل ايام حياتي ! خلقت نايا ! من ١٦ سنة ! انا ونايا نزلنا صورنا بيتنا بعد يومين عالانفجار وبأول فيديو رح تسمعوا نايا عم بتقللي انا هون ! هاي الكلمة ببيوت الدني كلها ! نهار عيد نايا السنة يعني ٤ آب بال٢٠٠٦ كنت حاملة نايا وناديا ومخبيتن بكوريدور البيت لان اسرائيل كانت عم تقصف جسر الكازينو مدري محطة الارسال بفتقا ما بذكر ! وبال ٢٠٢٠ كنت عابطة نايا وناديا بطابق البيت اللي تحت الارض لان سمعنا الانفجار وقبلو طيران فخفنا يقصفوا الجسر عن جديد ! مضحك مبكي ما هيك ؟ فرق ١٥ سنة ! نفس السيناريو".
وأضافت:"بعد سنة عالانفجار الحزن اللي جواتنا بعد اكبر من اول يوم ! مش قادرين نحتفل ! لليوم ما بدن يخبرونا شو صار لان كلن متورطين وكلن كانو عارفين ! دولتنا اللي مفروض تحمينا سمحت بتكديس اطنان من المواد المتفجرة بمرفأ بيروت ! كل ضحية راحت دمها برقبتن ! دولتنا هي اللي ارتكبت بحقنا هالمجزرة ! بدي عزي كل اهالي الضحايا واتمنالن الصبر بدي اتمنى الشفا لكل الجرحى اما اللي اقتصرت اضرارن عالحجار متلي بدي قلن اسمعوا صون نايا عن جديد عم بتقول انا هون واشكروا ربكن ! اما بنتي الزغيرة اللي ما بدا عيد بهالنهار بدي قلها ينعاد عليكي وعقبال ال١٠٠ حبيبتي ! الله يحميكي ويكون حدك وين ما رحتي ! انشالله تحققي كل احلامك ! بحبك لتخلص الدني"!