تحدثت السيدة ناهد زيدان عن دور زوجها الممثل السوري باسل خياط في مسلسل "الثمن".
وقالت في مقابلة لها ضمن برنامج et بالعربي:"أنا وباسل كنا من زمان عم نحكي إنه لازم يعمل دور حب لأنه أنا بشوف إنه صارلنا زمان كثير ما شفنا مسلسل فيه هلقد حقيقية بالحب".
وتعليقا على النجاح الكبير الذي يحققه باسل من خلال الدور الذي يؤديه في المسلسل، قالت زيدان:"انا مبسوطة كتير، يعني انا بتفرج بقول واو"، وعن تشابه شخصية "زين" مع شخصيته الحقيقية، قالت:"اكتر شي خلاني اتعلق بباسل من اول يوم قابلته لهيدا اليوم، انو بياكل هم الطرف التاني اكتر ما ياكل همه، يعني بياكل هم اني انا كون مبسوطة اكتر ما ياكل هم انو يكون هوي مبسوط".
وتابعت:"باسل بيشبه زين شوي، بس منو رومانسي ابدا".
وعن وقع المشاهد الرومانسية التي تجمعه بالمسلسل مع الممثلة اللبنانية رزان جمال عليها، قالت زيدان:"انا بالنسبة الي تعودت، صرلي 16 سنة مع باسل، وانا قلت بمقابلة من زمان انو اول سنة كانت صعبة عليي لان ما كنت معودة على هيدا الموضوع".
وختمت بالقول:" انا الداعم الاول لباسل وانا سعيدة جدا".
اما عن نهاية المسلسل، اشارت ناهد الى انها لا تستطيع الكشف عنها لكنها تؤكد انها ستكون نهاية سعيدة.