كتب أحد أنصار حركة "أمل" على خلفية الإعتداء الذي تعرض له مكتب رئيس مجلس إدارة قناة "الجديد" تحسين خياط، منتقداً ما أسماه "عرض العضلات وتخويف اللبنانيين" من قبل بعض الزعران، وقال عبر حسابه على موقع التواصل الإجتماعي "فيسبوك":
"انا مش مع تلفزيون الجديد بس انا منتسب لحركة امل حركة الامام الصدر من وقت ما وعيت على الدنيا فلان رئيس وفلان مسؤول منطقة وفلان مسؤول مكتب كلهم في فلك يسبحون بيبدلوا المواقع والحركة بتضعف تنظيميا واخلاقيا وعقائديا وفكريا ما تهيئة كوادر ما في عمل دئوب ولا في شفافية ولا في وعود صادقة خدمات صفر محسوبيات١٠٠٪جهل بشكل اعمى .في جمهور صح بس فارغ المحتوى ما بيعرف بنود ميثاق الحركة ولا اهدافها بيعرف الحركة زعران بيدعموني بيحموني وعندهم وسايط .بدك تفوت على الدرك الموضوع مش كفائة روح عند المسؤول الفلاني خدلو شي بايدك على الجيش الامن العام كله نفس الموضوع .بيقلك ما كل البلد هيك ،اوك حبيبي بس انا بحركة الحرومين حتى لا يبقى محروم واحد او منطقة محرومة بيقلك شو انت جاي تغير الدنيا .اوك ما رح غير شي بس انا امامي وسيدي قال لقد دفعت ثمن ايماني وانا امام المهام لا اشعر بالاهانة لاني مارست فعل ايماني ،لو الامام الصدر موجود كان هيك بيحمل الامانة كوادر دفعت دم وحيات كاملة تتوسل لقاء لقمة عيش وعود كاذبة بالجملة مغتربين بيعملوا مسائيل وابطال ونواب ومتسكعين ايام الحرب اسياد ايام السلم جمهور بيبتدي بكفر بالفان بيروت صور بعلبك الهرمل بينتهي ببلدية بتبكي الشعب .عرض عضلات وتفريق متضاهرين بالقوة وتخويف اللبنانيين اننا نحن زعران بالوقت للامام الصدر معلمنا سامح باطلاق نار على عائلته لانه يامن بالوطن ،راضي عننا جعجع وجنبلاط وجميل والحريري وشركاء القضية والنهج والطريق رغم عن انفه كبالع صخر ،ما بعرف ليش حبيت احكي يمكن هيك برتاح كابن خط الامام الصدر لانه ياما حكينا باجتماعات ومحاضرات وكان لاحياة لمن تخاطب .بس بامن انه الحق بيرجع لاصاحبه مهما طال الزمن بتمنى يكون على ايامي ووقتي لانه خط الامام الصدر ونهج الحركة الحقيقي بيشرفني لو كان في معي ١٠ اشخاص .شكرا ل كل حدا قرأ كلامي للاخر".
وكان مكتب خياط قد تعرّض لإطلاق نار في بئر حسن قرب السفارة المصرية، واقتصرت الأضرار على الماديات، بعد إنتقاد "الجديد" للرئيس نبيه بري في مقدمة نشرتها المسائية.