تامر حسني يكشف أسرارا عن بداياته ويوجه رسالة تحفيزية لهؤلاء

وفي منشور مطوّل على حسابه عبر "فيسبوك"، قال تامر حسني: "لفت نظري في تعليقاتكم أن في ناس كتير مش عارفين يوصلوا وينجحوا، وحاسين إن كل شيء سيء ملازمهم، وفاكرين إنهم منحوسين ومصدقين إن حظهم وحش"، مضيفا: "أنا هشاور على سبب مهم بينتج عنه الشعور ده، كتير من صدمات حياتك بيكون السبب فيها هو عقلك الباطن، يعني أنت السبب ورا كل ده عشان عقلك الباطن بعد الصدمات وبعد كل جرح خزّن معاني غلط واقنعك بيها إنها صح، زي إنك شخص قليل متسواش وملكش قيمة، وإن الطيبة مش كويسة ولازم تبقى شرير عشان تعرف تعيش".
وأردف تامر قائلا: "الأفكار دي بتنجح في صنع طاقات سلبية حواليك تزيدك في هدم نفسك، وعقلك الباطن بيخليك تصدق نتايج صدماتك أكتر من وعود ربنا.. الحل إنك لازم تتعامل مع مخك إنه جهاز هتفتحه وترمي منه كل المعاني البايظة، وتبدل المعاني دي بالمعاني الصحيحة".
وختم تامر حسني منشوره بالقول: "ركز في قصتك أنت مع ربنا، وبلغة الامتحانات تخليك في ورقتك عشان في الآخرة أنت هتتسئل على أعمالك أنت، وعشان أطمن كل واحد عنده هدف، مش هيكون جواك حلم بحاجة إلا وربنا جاعل جواك القدرة على تحقيقه".
منشور تامر حسني لاقى تفاعلا من قبل المتابعين، حيث علّق أحدهم شاكياً من أنه لا يعرف كيف يبدأ حلمه، وأن هناك صعوبات كثيرة تواجهه، فردّ عليه تامر بالقول: "أنا مر عليا كل الأحاسيس دي زمان مع كمية إهانات كبيرة من ناس غير مقتنعة بيا، كانوا بيوصلوا دايماً إني نكرة وإني قليل، وعمري ما هوصل، بس كنت بقول ما دام غيري نجح يبقى أنا هقدر وأحاول تاني ومليون، ويتقفل باب أخبط على 10 غيره لحد ما ربنا كرمني".