انتقد احد المتابعين حديث الممثلة اللبنانية
نادين الراسي عن الرئيس ميشال عون والذي جاء بالتزامن مع مغادرته قصر
بعبدا بعد انتهاء فترة ولايته الرئاسية.
وفي التفاصيل، فقد تفاعلت نادين مع بعض المتابعين حول
الرسالة التي كانت وجهتها للرئيس عون يوم مغادرته القصر، إذ كتب لها احدهم:"عن جد مقتنعة إنو يلي صار بسبب رئيس الجمهورية"، لترد عليه:"عا عهدو مِش بسببو في فرق ومن حقّي متلكُن خبّر عن الفساد والإهمال لوين وصّلنا ويا ريت تفهموا قبل ما تقوّصوا بسّ حقّكُن بمطرح وكلّنا منتّفق عا هالشي :الفسادوالإهمال مشلّش من ٤٠ سنة ومش من حقّ أيّ حدا يحمّل الرئيس لوحدو المسؤوليّة وأنا من حقّي خبّرو شو صار وإنتو كمان فليه الغضب".
ليعود ويرد عليها متابع اخر:"انو جمّلتيها "مش من حقّ حدن يحمّل الرئيس لوحدو".طيب سمّي غير الرئيس عون ت نشوف شو رح يطلع معك أسامي"، لترد هي بدورها:"
جبران وبرّي وجنبلاط وجعجع و و و …. وكلّ وزير ونائب ومتعهِّد ورجُل أعمال من ٤٠ سنة لليوم !! وكلّ من أخطأ بحقنا عن قصد أو عن قلّة معرفة أو حتّى عن غير قصد وصّلنا لهون !! بسّ للأمانة ما حدا نادى بالإصلاح والتغيير ومن هون إجا عَتَبي !! ضروري نخفف غضب عا بعض لنسمع وجع بعض".
وكانت كتبت نادين في الرسالة التي وجهتها للرئيس عون:"بدك الك شو صار بعهدك يا عون الجبار؟، البنت اللي كانت بكشافة الارز
الحدث اللي كانت تشارك بتنظيم كل مسيرة للقصر رابعة علم الانتصار، بعهدك هي ذاتها هالبنت الفساد حرمها الامومة والاهمال قتلها خيها".
واضافت:"بهمك بعد تعرف غير هيك شو صار؟ يا ريت اكتشفت ابكر انو القصر حبس من حجار مش بيت الشعب يا بي الكل، ما كان صار اللي صار".