كشفت الفنانة المصرية رحمة حسن عن تعرضها لعضة كلب في "منطقة حساسة" بحسب ما قالت.
ونشرت رحمة على صفحتها الخاصة عبر انستغرام صورة لنوع الكلب الذي قام بمهاجمتها وعضها وورقة تظهر تاريخ دخولها المستشفى، وعلّقت بالقول:"امبارح الساعه ١١ بليل كنت نازله اجيب حاجه من السوبر ماركت جمب البيت ،وكنت ماشيه علي الرصيف وكان في عربيه بتركن جمبي عادي ، فجاه الباب اتفتح ولقيت كلب (جيرمن شيبرد) تقريبا مَش متاكده اوي ، بيهجم عليه بكل قوته ،طبعا حاولت اجري لكن للاسف الكلب كان قوي وشرس ووقعني علي الارض ، حاولت اقوم واجري وصاحبته حاولت تشده ، بس فك الليش بتاعه وعضني عضه كبيره وغويطه بنابه في منطقه حساسه".
واضافت:"صاحبه الكلب كتر خيرها اخذتني فورا علي مستشفي امبابه ، ادوني حقنه تطعيم الكلب ولسه فاضلي ٤ هاخدهم خلال شهر، بس المشكله ان من امبارح الجرح بينزف دم كتير ،وانا طبعا خايفه ومصدومة، وتعبانه وعندي تروما من امبارح ، والي واجعني اكتر اني مَش عارفه اتصرف ازاي .. خصوصا اني اكيد مَش عايزه الكلب يتاذي، بس كمان مَش عايزه اي انسان كمان يتاذي ويتعض ويتبهدل في الشارع زيي".
وبعدها عادت وطمأنت رحمة المتابعين على حالتها الصحية مؤكدة ان ان الكلب ليس مسعوراً.
ونشرت صورة لتطعيمات الكلب الذي عضها، وعلقت: "دي صور لتطعيمات الكلب، الحمد لله طلع مش مسعور".