وقالت فرغلي خلال الساعات الماضية، في تصريح تلفزيوني: "أنا نفسيًا مش كويسة، وحاسة إني عايشة في كابوس من أول إمبارح مش حاسة إني عايشة في دنيا حاسة إني في غابة".
وتابعت: "المذيع بقاله أسبوعين بيحاول يعمل معايا لقاء وقالي إنه عراقي، أنا كنت شفت لقائه مع رانيا يوسف مرة، قلتله أوك، قلنا نصوّر في البيت وأنا قلت أوك وساكنة قدام نادي الجزيرة والمنظر حلو، وأنا قلت ده كله بيصوروا وضيف عندي في البيت".
واضافت حورية خلال تصريحها: "أولًا الأسئلة اللي جاي يسألهالي أنا مستغربة إنه بيسألها تاني، وهو جاي عنده خطة معينة جاي مرتب لها، وبعد ما خلصنا سألني بتحبي ماجد المهندس وأنا قلتله عادي معرفوش قوي، فقالي هسمعك أغنية وطلب مني أتصور وأرقص معاه، وكل اللي حواليه بيلموا المعدات والكاميرات، ومعرفش مين بيصور، ومرضتش أكسفه ولكن قلتله مش هيبقى حلو أنا طويلة ولابسة كعب وهيبقى منظري مش حلو".
وعبرت حورية عن استيائها من البلبلة التي حصلت اذ قالت: "ليه مكنتش صريح معايا؟ إزاي حد يقابل حد بعد خمس دقايق يقوله عايز تتجوزه؟، هو عشان أنا عندي مشكلة في مناخيري يبقى غلبانة بقى ويحصل فيا كدة؟.. هو سألني وقالي أنتي متجوزة قلتله لأ أنا سنجل بقالي فترة كبيرة، ومش فاكرة الكلام ده كان جوه الحلقة ولا براها؟".
واردفت: "أكيد مش متفقة معاه على تريند يعني هوأنا اللي رحت له العراق؟ واتفقت على اللقاء وبعدين أنا مش محتاجة، كان مريب وهو من أول ما دخل كان غريب وبيصور كتير، ومعنديش أي مشكلة الحلقة تنزل، عشان الناس هتعرف كدة متفقة معاه واللا لأ".