مدير أعمال شيرين عبد الوهاب يعلن انفصاله عنها: "دا لمصلحة الطرفين ولينا أسبابنا"

وفي التفاصيل، قال ايهاب في تغريدة على حسابه عبر تويتر: "جمهور شيرين العظيم، الحمد لله على نجاح حفل جدة كما كان متوقعا وده العادي بتاع شيري في أي حفلة".
وتابع: "أجلت الاعلان بالقرار ده لحد بعد الحفلة، وحابب أشكركم جدا على كم الدعم الرهيب في خلال الفترة اللى فاتت ليها في المقام الاول، وطبعا بعد كدة ليا"، مضيفا: "قررنا ان من الافضل لينا ان نحط صداقتنا والعشرة قبل أي حاجة، واني ابتعد عن إدارة أعمالها وده أكيد لمصلحة الطرفين ولينا اسبابنا".
وأضاف ايهاب صالح: "مبروك وشكرا يا شيري من كل قلبي، ويا رب اكون كنت على قد وعدي وكلمتي ليكي انى دايما في ضهرك، والحمد لله الدنيا دارت من أول وجديد وتكسري الدنيا حفلة بعد حفلة، وخلاص أهو الالبوم على أبواب ومتأكد إنه هينجح نجاح غير عادي".
وأردف: "فرحان بشكل ملوش وصف بنجاحك ورجوعك بالقوة دي وده إللي اتعودنا علية منك طول السنين دي.. أنا كدة كدة دايما موجود زي مانتي عارفة وربنا يديم كل أللى بينا على خير وأسف لو في أي لحظة كنت قصرت معاكي باي شكل"، مضيفا: " أحب اشكر كمان جمهورك اكيد إللي مشوفتش منوا غير كل خير و حب، شكرا بجد من كل قلبي".
هذا وتوجه إيهاب صالح بالشكر إلى المستشار تركي ال الشيخ على الدعم الكبير الذي قدمه لـ شيرين، اذ قال: "طبعا واكيد شكر كبير لسيادة المستشار تركي ال الشيخ (أبو ناصر) على كم الدعم الكبير منوا، بمجرد إنه شاف صورة رجوعك للاستوديو و قد إيه كان مهتم بـ شيرين ومقدر قيمتك وتقديرك بشكل يليق بيكي #صوت_احساس_العرب، وده مش غريب علية ودايما في ضهر كل الفنانين العرب كدة كدة.. دي شهادة حق لازم تتقال".
وختم ايهاب صالح تغريدته بالقول: "ربنا دايما يحبب فيكي خلقه ويبعد عنك أي شر بكل أشكاله ويكتبلك السعادة.. أتمنى التوفيق لمديرين الأعمال الجايين وادعمهم دايما بأي شكل أكيد عشان تفضلي دايما علي القمة".