كشف شادي إبن الفنانة المغربية سميرة
سعيد الكثير من الاسرار التي كان يخفيها عن والدته، وذلك ضمن فقرة من برنامج "لايف من الدوبلكس" الذي تقدمه الدمية الشهيرة
أبلة فاهيتا واستضافت فيه سميرة سعيد.
وقال شادي:" في فترة كنت بسافر فيها وماما متعرفش بس كنت بعرف أكتر من بنت في نفس الوقت"، وهنا ردت سميرة سعيد: "ده بجد أنا طلعت مش فاهمة حاجة".
وأضاف:"قمت بتزوير توقيع
ماما كتير لأن كنت ببقى عامل مشاكل كتير في المدرسة وفيه ورق مش عايزه يوصل لماما فكنت بخاف تعاقبني أو تشيل البلايستيشن فكنت بشوف التوقيع بتاعها وأعمل زيها بالظبط علشان المعلومة متوصلهاش"،وعلقت سميرة سعيد: "يا ابن الذين دا أنا بكتشف ابني لأول مرة.. يا حسن ما ربيت".
وتابع:" مرة سرقت
العربية بتاعت ماما من وراها بالليل لأن كنت عايز أروح المول وخبطت العربية وصلحتها وعملت كل حاجة من وراها"، لتقول سميرة: "امتى ده أنا معرفش بس هعيد كل حساباتي".
وأكمل:" ماما كانت بتسافر كتير أيام المدرسة فكنا بنخلص المدرسة وأعمل حفلات في البيت"، لترد سميرة سعيد: "واضح أني نايمة على وداني".